၁။
ကောင်မလေးရေ ....
မင်း လက်အရွေ့တွေမှာ
ကိုယ့်မျှော်လင့်ခြင်းတွေပါမှန်
မသိလေရော့သလား ။
ရင်ခွင်မှာ ခါးခါးဆို မချိမဆန့်မို့
ကိုယ့်နှလုံးသားကို စာနာသနားပါကွယ် ။
ရယ်စရာ ပြက်လုံးလို့
မင်း ထင်မယ်ဆိုလည်း
ကိုယ် လူရွှင်တော်ဖြစ်လိုက်ပါ့မယ် ....
မင်း အပြုံးလေးက ကိုယ့်အဘိဓာန်မို့ ။
၂။
ခဏ ခဏ မတွေ့ရတဲ့
profile ထဲက မင်းစာသားတွေကို
မျှော်လင့်တကြီး စောင့်စားနေတတ်သူ ၊
ကိုယ်ဟာ မင်းလက်ဖျားတွေထဲက လေကလေးပေါ့ ။
၃။
ဒီလိုပဲ
ပြောတတ်သလို ရေးလိုက်တဲ့စာမှာ
မင်းစိတ်ဆိုးရာကလေး ကျန်ခဲ့မယ်ဆိုလည်း
ကိုယ် လက်ခံထားလိုက်ပါ့မယ်
မုန်းမသွားရင်ဘဲ ကျေနပ်တယ် ။
၎။
မျက်နှာများတယ်တော့ မထင်ပါနဲ့
ဖူးစာရှင်ရယ် ရှာရခက်တာမို့
ကိုယ့် ပဝေသနီထဲ ....
မင်းပဲ အဆုံးမှတ်တိုင်ပေါ့ ။
ဟုတ်တယ် ....
မင်းပဲ
ကိုယ့်အဆုံးအစွန် ၊
ရုန်းကန်ချင်စိတ်တွေ မေ့သွားလောက်အောင်
နှောင်ရီဖွဲသီနိုင်တဲ့ အနုအလှတွေကို
ကိုယ် ဘယ်လို မျက်ကွယ်ပြုလို့ရမှာလဲ
မင်းကို ချစ်တယ် ။
၅။
အာတိတ်သမုဒ္ဒရာ
ပစိဖိတ်တွေ .....
ကိုယ် နားမထောင်ချင်တော့ဘူး ၊
မင်း ကိုယ်လုံးလေးသာ ကိုယ့်ရင်ခွင်ထဲ ၀င်လာပေး ။
ဒါဟာ အမှန်တရားဖြစ်တယ်
ဘယ်သူတွေရဲ့
အမှန်တရားမဟုတ်ဘူးဆိုရင်တောင်
ကိုယ့် အမှန်တရားပဲ ၊
ကဗျာမလေးရေ .....
မင်းသာ ကိုယ့်အမှန်တရား ။ ။
ကျေးဇူးတင်ပါတယ်
လွဏ်းသစ်မှူး
No comments:
Post a Comment