Sunday, February 23, 2014
" တောင်သာမန် "
သူဟာ ဒဏ်ရာများနဲ့
တစ်ချက်တစ်ချက်မှာ ယှိင်နဲ့နဲ့
ငြီးညူသံတွေလား
ငိုကြွေးသံတွေလား
တံခါးဝကို လာခေါက်သွားရဲ့ ....
တဖြည်းဖြည်း
အရောင်ပြောင်းလာတဲ့ သက္ကရာဇ်တွေကြား
ဒဏ်ရာတွေဟာ တဖွားဖွား
ဒီနေရာမှာ ကဗျည်းထိုးထားတဲ့ အမာရွတ်တွေဟာ
ရာစုသစ်ရဲ့ မှတ်တိုင်တစ်ခုပေါ့.....။
တွေ့ဆုံခြင်းမှာ
ပျော်ရွှင်စွာနဲ့
မင်းမဟာမှာ ရင်နှီးမှုတွေပိုခဲ့ကြတယ်...
နှုတ်ဆက်ခြင်းဟာ ဝမ်းနည်းစွာနဲ့
ပုစွန်ဆီရောင် ဆည်းဆာရယ်
တောင်သာမန်ရယ်...
အမှတ်တရများစွာ အိမ်အပြန်ပါခဲ့တယ်.....။
အမာရွတ်တွေကို
ကိုယ့်စိတ်နဲ့ကိုယ် 'သ'ထားလိုက်တယ်
သစ်ရွက်ကြွေသံ....
နေဝန်းပြိုသံ....
အသံတွေနဲ့ ပန်းဝင်ခဲ့ပေါ့.....။
တွေ့
ဆုံ
ကြုံ
ကွဲ... လမ်းဟောင်းလား....
လမ်းသစ်လား ...
ပြုံးရှရှ ရယ်သံတွေသာ
ငါတို့ရဲ့ ရှေ့မှာလှိုင်းထလို့
လျှောက်ရင်း...လျှောက်ရင်း
ကျလာတာတွေကများ
ပြန်မကောက်ခဲ့တော့ဘူး
ရင်ဘတ်ထဲမှာ အားလုံးပါတယ်....။
ပြောဆိုချက်အရ...
အထက်ပါခေါင်းစီးအတိုင်း စီးမြှော...
ဒီကနေရဲ့ ရင်ဘတ်ထဲမှာ ...ငါ
ငါရယ်...သူတို့
သူတို့ရယ် နေဝင်ဆည်းဆာ
နေဝင်ဆည်ဆာရယ် တောင်သာမန်
တောင်သာမန်ရဲ့ ရင်ခွင်မှာ
ခိုဝင်မှေးစက်ခဲ့နေ့များ...
မြက်ခင်းစိမ်းများ တအုံ့အုံ့ ....။
ခြုံလွှမ်းလိုက်
တိမ်ခိုးဖြူ ဇာပဝါပါးနဲ့
မြက်ခင်းစိမ်းတစ်ချို့ အုပ်သိမ်း
မြှားတစ်စင်းဟာ တိုးလျိုပေါက်
တောင်သာမန်ရဲ့ နှလုံးသားကို ထိုးဖောက်လို့
ဆည်းဆာနှင့် အတူ
ရင်ခုန်သံတို့ အေးချမ်းခဲ့ပါတယ်
တစ်ယောက်လက်ကို တစ်ယောက်တွဲပြီး....
ငါတို့ ......။ ။
ဆူးလင့်နွေ ၊ ကြယ်ကလေး ၊ လင်းသုတ(ရွှေထီး) ၊ ညီဆူးသစ် ၊ လွဏ်းသစ်မှူး ၊ မိုင်း ၊
1512014
5:57pm
Subscribe to:
Post Comments (Atom)
No comments:
Post a Comment