Monday, December 9, 2013
(အစိမ်းရောင်ခြယ်သော ပန်းရနံ့လေးအကြောင်း .......)
မျက်နှာတစ်ပြင်လုံးမှာ ဆေးရောင်စုံနဲ့
ကိုယ်တိုင်တူးဖော်ထားတဲ့
အိပ်မက်ယဉ်ကလေး
ပျောက်သွားမှာစိုးတယ် ၊
ဒီအတိုင်း ထားချင်ခဲ့ စိတ်မှာ
အမှားမပါမဲ့ အနံ့အသတ်တွေနဲ့
သွားလာခဲ့ လမ်းဟောင်းတွေတစ်လျှောက်
ခြေရာတွေ ထပ်ခဲ့ပြီး ။
တိတ်တိတ်ဆိတ်ဆိတ်
ည ကောင်းကင်ကြီးထဲမှာ
ကြယ်မရှိတဲ့ လကိုငေးကြည့်ပြီး
ညမွှေးပန်းလေးနဲ့ စကားပြောဖြစ်ခဲ့ ....
အစိမ်းရောင် ပန်းရနံ့လေးအကြောင်း ။
သူဟာ သိပ်ကိုလှခဲ့တယ်
ဟန်ဆောင်ခြင်းကင်းမဲ့တဲ့ အပြုံးနဲ့
သူ့ရနံ့ဟာ ထုံမွှမ်းလို့
ကိုယ့်ရင်အုံတစ်ပြင်လုံး လှိုက်ဖိုလို့နေခဲ့ ၊
အကျယ်ချဲ့ပြောတာလည်း မဟုတ်ပါဘဲ
ညမွှေးပန်းလေး နှာခေါင်းရှုံ့တယ် ၊
ဘယ်သို့ရောက်သွားသည် ဖြစ်စေ
အစိမ်းရောင် ပန်းရနံ့လေးဆီကို
သွားချင်တဲ့ ကိုယ့်အာရုံဟာ ထိန်းမရတော့
အစိမ်းရေ .....
ကိုယ့်လေအ၀င်အထွက်တိုင်း မင်းရှိနေပေးပါကွယ် ။ ။
လွဏ်းသစ်မှူး
Subscribe to:
Post Comments (Atom)
No comments:
Post a Comment